Гол, мөрнүүд “эзэнтэй” болжээ

Энэ оноос манай улс сав газрын 29 захиргаатай болж, гол мөрөн хариуцах эзэнтэй боллоо. Тус захиргаа нь гол горхи, нуурууд болон газрын доорх усны нөөцийг хамгаалах, ашиглалт хэрэглээ бохирдол зэрэгт хяналт тавих хүн ам, бэлчээр, газар тариалангийн усан хангамжийг зохицуулах үүрэгтэй ажээ. Харин сав газрын үйл ажиллагааг дэмжих, хяналт тавих, нутгийн иргэдийн эрх ашгийг хамгаалах үүрэг бүхий иргэдийн оролцоог хангасан Сав газрын зөвлөлүүдийг Туул, Улз, Тэсийн гол, Увс нуур зэрэг газарт байгуулсан байна.