ГССҮТ-ийн даргын сонгон шалгаруулалт зарлажээ

Гэмтэл, согог судлалын үндэсний төвийн даргын сонгон шалгаруулалт хоёрдугаар сарын 17-ны өдөр болох тов гарчээ. Төрийн албаны зөвлөлөөс сонгон шалгаруулалтад оролцох хүмүүсийн материалыг энэ сарын 12-ны өдөр хүртэл хүлээн авах аж.

ГССҮТ-ийн эмч нарын шаардлагаар өнгөрсөн аравдугаар сард Эрүүл мэндийн сайдын зөвлөл хуралдаж, 2013 оны наймдугаар сард ГССҮТ-ийн даргаар томилогдоод байсан Ц.Энхбаярыг ажлаас нь чөлөөлөх шийдвэр гаргасан. Улмаар эмнэлгийн шинэ даргыг томилох хүртэл Ц.Энхбаяр нь даргын албыг үргэлжлүүлэн хашиж байгаа.