Гурилын хангамж хэрэгцээ жигд байна

Булган аймгийн хэмжээнд үйл ажиллагаа явуулдаг таван гурилын үйлдвэр 5500 тонн буудай худалдан авч үйлдвэрлэлээ жигд явуулж байна.

Орон нутгийн үйлдвэрүүдийн нэгдүгээр гурил бөөнөөр 590-600, жижиглэнгээр 600-610 төгрөгийн үнээр иргэдэд хүрч байна.

Гурилын үнэд хяналт тавьж тогтворжуулах арга хэмжээний хүрээнд аймгийн хүнс, хөдөө аж ахуй, жижиг дунд үйлдвэрийн газраас орон нутаг дахь үйлдвэрүүдийн гурилын үнэ болон шинээр үйлдвэрлэлд оруулахаар татан авсан буудайн мэдээг долоо хоног бүрийн Даваа, Лхагва, Баасан гараг бүр ҮХАА-н яаманд тогтмол мэдээлж байна

.