Гүржийн нэрт дасгалжуулагч таалал төгсчээ
Тус академиас олимп, дэлхийн аварга Владимир Хинчегашвили, дэлхийн гурван удаагийн аварга Гено Петриашвили нарын алдартнууд төрөн гарсан юм. Схирелигийн анхны шавь нарын нэг нь 1986 оны дэлхийн аварга Владимир Модосян бөгөөд өдгөө ОХУ-ын шигшээ багийн дасгалжуулагчаар ажилладаг.
Мэдээллийн алба
Хуучнаар ЗХУ болон Гүрж улсын гавьяат дасгалжуулагч Нугзар Схирели 76 настайдаа зүрхний мэс заслын дараах хүндрэлийн улмаас нас баржээ.
Тэрээр 1945 онд Тбилисид төрсөн бөгөөд Гори хотын алдарт бөхийн сургуулийг үүсгэн байгуулсан.
Тус академиас олимп, дэлхийн аварга Владимир Хинчегашвили, дэлхийн гурван удаагийн аварга Гено Петриашвили нарын алдартнууд төрөн гарсан юм. Схирелигийн анхны шавь нарын нэг нь 1986 оны дэлхийн аварга Владимир Модосян бөгөөд өдгөө ОХУ-ын шигшээ багийн дасгалжуулагчаар ажилладаг.
Түүнчлэн түүний шавь нараас олимпийн медальт, дэлхийн болон Европын аварга Георгий Гогшелидзе, олимпийн медальт Отар Тушишвили, ДАШТ-ий медальт, Европын гурван удаагийн аварга Давид Погосян тэргүүтэй олон шилдэг бөхчүүд төрөн гарсан. Схирели Гүржийн залуучуудын шигшээ багийг 20 жил удирдсан юм.
Олимп, дэлхийн аварга Владимир Хинчегашвили санаачилж 2018 онд Гори хотод түүний хөшөөг босгож байв. Учир нь түүний аав залуучуудын дэлхийн болон Европын аварга Георгий Хинчегашвили агсан Схирелигийн удирдлага дор хичээллэж байв.
