Гурван гартай хүү эсэн мэнд бойжиж байна

Хятадын Аньхуй мужийн нэгэн эмнэлэгт өнгөрсөн 4 сард 3 гартай хүүхэд мэндэлжээ. Бяцхан хүүгийн нэрийг Жэй жэй гэдэг бөгөөд түүний биеийн зүүн хэсэгт нь 2 гар байдаг байна. Хүүгийн хоёр гар нь хэвийн бөгөөд гуравдахь дутуу хөгжилтэй гэнэ. Эмч нар бяцхан хүүд маш удаан хугацааны физик эмчилгээ шаардлагатай гэсэн бөгөөд илүү гар нь яваандаа хүүгийн бөөрний үйл ажиллагаа болоод нурууны муруйлтад нөлөөлж магадгүй гэж үзэж байна. Одоогоор Жэй жэй хүүгийн биеийн байдал сайн байгаа бөгөөд түүний гуравдахь гарт нь хүрэхэд тэр инээмсэглэж хариу үйлдэл хийдэг байна.