Гурван настай хүүхэд халуун усанд унаж нас баржээ

Цагдаагийн байгууллагын мэдээлж байгаагаар өнгөрөгч амралтын өдөр гурван настай хүүхэд буцалж буй халуун усанд унаж түлэгдэн, шархаа дийлэлгүй нас барсан гэх хэрэг бүртгэгджээ. Одоогоор хүүхэд ямар шалтгаанаар түлэгдсэн нь тодорхойгүй байгаа бөгөөд цагдаагийн байгууллага шалгаж байна. Үүнтэй холбогдуулан эцэг, эхчүүдийг хүүхэддээ тавих хараа хяналтаа суларуулахгүй байхыг мэргэжлийн хүмүүс анхаарууллаа.