Гурван сая дахь иргэний чацуутнуудад хүндэтгэл үзүүлэв

Гурван сая дахь иргэний Улаанбаатар хот дахь үе чацуутнуудыг алдаршуулах хүндэтгэлийн арга хэмжээ өнөөдөр Монголын хүүхдийн ордонд боллоо. Тус арга хэмжээнд Хүн амын хөгжил, нийгмийн хамгааллын сайд С.Эрдэнэ, дэд сайд Б.Мөнхбаатар, ХАХНХ-ын Стратегийн бодлого төлөвлөлтийн газрын дарга Ц.Туваан, МУГТ, Их аварга Д.Дагвадорж, МУГЖ Т.Ариунаа болон гурван сая дахь иргэний үе чацуутнуудад гарын бэлэг гардуулсан байгууллагуудын төлөөлөл оролцсон юм. Арга хэмжээний үеэр нийт 15 хүүхдийг алдаршуулж батламж, гарын бэлэг гардууллаа.