“Hanburger Morgenpost” сонины байр халдлагад өртжээ

Германы Хамбург хотын “Хамбург Моргенпост” сонины байр гэмт этгээдүүдийн халдлагад өртсөн талаар AFP агентлаг мэдээлэв. Цагдаа нарын мэдээлснээр хэрэг гарах үед редакцид хүмүүс байгаагүй аж. Гэмт этгээдүүд сонины байр руу шатах, тэсрэх шингэнтэй бодис цацсан байна.

Тус сонин Парисын “Чарли Хэбдо” сэтгүүлийн шог зургийг сониндоо нийтэлснийхээ төлөө халдлагад өртсөн байж болзошгүй гэж цагдаагийн байгууллагынхан таамаглаж байгаа ажээ.

Одоогоор хэрэгт холбогдуулан хоёр хүнийг сэжигтнээр баривчилсан байна.