Йеменд нэгэн эр 15 настай охиноо амьдаар нь шатаажээ

Йемений өмнөд хэсэгт орших Таиз мужийн нэгэн тосгонд амьдардаг залуу 15 настай охиноо "сүйт хархүүтэйгээ харилцсаных нь" төлөө амьдаар нь шатааж амийг нь бүрэлгэсэн хэрэг гарчээ.

Энэ талаар тус улсын Дотоод Хэргийн Яам мэдээлсэн байна. Йеменд насанд хүрээгүй хүүхдийг гэрлүүлэх, мөн шашны ёс журам зөрчсөнийх нь төлөө хүүхдийг гэр бүлийнх нь хүн хөнөөх зэрэг балмад явдлууд одоо ч гэсэн амь бөхтэй оршсоор байгаа ажээ.

"Human Rights Watch" байгууллагаас мэдээлснээр Йеменд хадамд гарч байгаа нийт эмэгтэйчүүдийн талаас илүү хувь нь 18 нас хүрээгүй охид байдаг байна.

РАЛЬДИЙ.А /shuum.mn/