Их Британи дипломат харилцаагаа өргөжүүлэх бодлого барьж байна

Их Британи Европын холбооноос гарсныхаа дараа дэлхийн улс орнуудтай дипломат харилцаагаа өргөжүүлэх бодлого барьж байна. Энэ хүрээндээ тус улс мянга гаруй дипломат ажилтан элсүүлэх шаардлагатай болох ажээ. Мөн дээрх зорилгоор Британи элчин сайдын яам, дипломат төлөөлөгчийн газрууд нэмж байгуулах зэргээр дипломат албаа өргөжүүлэх юм байна.

Улмаар гадаад улс орнууд дахь албан газрууд нь хэлний бэлтгэл сургуулилтаа эрчимжүүлж, хэлтэс албадынхаа тоог нэмэгдүүлнэ. 50 төрлийн хэлний хэлтсээ Казах, Киргиз зэрэг хэлний хэлтсээр өргөжүүлж 70 болгох гэнэ.