“Их эе” хуралдана

Монголын үндэсний бөхийн холбооны цэцдийн зөвлөлөөс ээлжит бус “Их эе” хурлыг хуралдуулах тухай тов зарлажээ.

Нийслэлийн шийдвэр гүйцэтгэх албанаас 2014 онд МҮБХ-ны Цэцдийн зөвлөлийг албадан хуралдуулсан. Уг хурлаар Үндэсний бөхийн “Их эе” хурлыг өнгөрсөн оны арванхоёрдугаар сард хуралдуулахаар шийдвэрлэсэн ч МҮБХ-ны тэргүүн Р.Нямдорж хуралдуулах хууль зүйн үндэслэлгүй гэдэг мэдэгдэл гарган хойшлуулсан билээ.

Тэгвэл энэ удаагийн “Их эе” хурлыг 2014 онд хуралдсан цэцдийн зөвлөлөөс томилогдсон ажлын хэсгээс зохион байгуулж буй аж.

МҮБХ-ны цэцдийн зөвлөлд “Их эе” хурлын зохион байгуулах ажлын хэсгийн ахлагчаар Монгол Улсын соёлын гавьяат зүтгэлтэн, яруу найрагч Ү.Хүрэлбаатар, УИХ-ын гишүүн, гавьяат тамирчин, дархан аварга А.Сүхбат нарын зэрэг хүн багтдаг билээ.

Ээлжит бус “Их эе” энэ сарын 28-нд болно.