Их хэмжээний тэсэлгээний материал илрүүлжээ

Улаанбаатар төмөр замын Толгойт дахь өртөөний ачих буулгах хэсэгт тэсэлгээний зориулалттай материалыг хууль бусаар оруулж, вагоноос буулган 2 ачааны автомашинд тээвэрлэх гэж байсныг илрүүлжээ.

Энэ хэрэг өнгөрсөн мягмар гарагийн орой 17:48 цагт болсон бөгөөд холбогдох мэргэжилтнүүд хэргийн газар очиход 138 тонн уул уурхайн тэсэлгээний материал үйлдвэрлэхэд хэрэглэдэг түүхий эдийг вагоноос ачааны автомашинд шилжүүлэн ачиж байсан байна. Уг хэргийг НОБГ, цагдаагийн байгууллагатай хамтран шалгаж эхэлжээ.