Их тойруугийн авто замын хэсэгчилсэн засварын ажлыг гүйцэтгэж байна

Нийслэл Улаанбаатар хотын авто замын засвар, шинэчлэлтийн ажлын хүрээнд Их тойруугийн авто замын хэсэгчилсэн засвар, шинэчлэлт (Өлзий төвөөс 100-н айлын уулзвар)-ын ажлыг гүйцэтгэж байна.

Одоогийн байдлаар суурь хучилт хийх, Полимер битумтэй асфальтбетон хольцоор өнгө хучилтыг хийх, худгийн таг өндөрлөх, чулуун хашлага суурилуулах, тэмдэг тэмдэглээг хийх зэрэг ажлууд хийгдсэн. Өнгө хучилтын ажил 75 хувийн гүйцэтгэлтэй байна.

Тус авто замын засвар, шинэчлэлтийн ажлыг 2025 оны 06 дугаар сарын 28-ны өглөөний 06:00 цагт бүрэн дуусгаж зорчих хэсгийн хөдөлгөөнийг нээхээр төлөвлөн ажиллаж байна.