Илон Маск дэлхийн хамгийн баян хүний байр сууриа алдав

Саяхныг хүртэл Тесла компанийн ерөнхий захирал Илон Маск дэлхийн хамгийн баян хүн гэх тодотголтой байсан юм. Гэвч өнгөрсөн долоо хоногийн байдлаар тэрээр энэ байраа Францын тансаг зэрэглэлийн бүтээгдэхүүн үйлдвэрлэгч Louis Vuitton Moët Hennessy конгломератын ерөнхий захирал Бернар Арнод алдсан байна.

Бернар Арногийн одоогийн хөрөнгө 207 тэрбум 600 сая ам доллар гэж тоологдож байгаа бол Илон Маскын хөрөнгө 204 тэрбум 700 сая ам доллар гэж тоологдсон байна.

Сонирхолтой нь Бернар Арногийн хөрөнгө өнгөрсөн Баасан гарагт ганцхан өдрийн дотор 12,3 хувь буюу 22 тэрбум 700 сая доллароор өссөн нь гэнэтийн хэрэг байлаа. Харин Илон Маскын хөрөнгө мөн ижил нэг өдрийн хугацаанд 8,1 хувиар буюу 18 тэрбум доллароор өсжээ.