Иордан улс ирэх 8 наас олон улсын нислэгүүдээ сэргээнэ

Иорданы эрх баригчид олон улсын нислэгээ сэргээх болсноо зарлалаа. Тодруулбал, энэ сарын 8-ны өдрөөс Ойрх Дорнод болон бусад улс орнуудын нислэгийг улс орондоо хүлээн авахаар шийдвэрлэсэн талаар тус улсын мэдээллийн сайд Амжада Аль Адаида мэдэгдлээ.

Иорданы засгийн газраас олон улсын зорчигчдод коронавирусний шинжилгээнд заавал хамрагдаж сөрөг хариу авсан байх ёстой гэдэг шаардлага тавьж байгаа аж. Мөн нийслэл хотоос холгүй орших олон улсын нисэх буудалд онгоц буусан даруйд бүх зорчигчоос дахин шинжилгээ авахын зэрэгцээ 1-2 долоо хоногийн хугацаагаар тусгаарлан ажиглалтад оруулна гэдгээ мэдэгдсэн байна.