Ирак дахь Курд угсааныхан тусгаар тогтнох санал асуулга явуулж байна

Ирак дахь Курд угсааны иргэд өнөөдөр бие даан тусгаар тогтнох санал асуулга явуулж байна. Энэ санал асуулга бүс нутагт шинээр зөрчил мөргөлдөөн үүсгэж, "Исламын улс" бүлэглэлтэй хийж буй тэмцлийг сулруулж мэднэ гэж Иракийн эрх баригчид болон Курд угсааны үндэсний цөөнхтэй бусад улсууд, барууны орнууд ч үзэж байгаа юм.

Гэвч өөрсдийн бие даасан байдлыг хүлээн зөвшөөрүүлэхийг хичээж буй Курдууд энэ эсэргүүцлийг үл харгалзан бие даан тусгаар тогтнохыг дэмжүүлэх санал асуулгаа явуулж байна. Санал хураалт орон нутгийн цагаар 20 цаг хүртэл үргэлжилнэ.