Ираны чөлөөт бөхийн лигийн тэмцээнд 11 баг оролцоно

Ираны чөлөөт бөхийн 20 дахь удаагийн лигийн тэмцээн удахгүй эхлэх гэж байгаа бөгөөд үүнд 11 баг оролцохоор мэдүүлгээ өгчээ.

Дэлхийн хошой аварга Реза Яздани энэ жилээс лигт анх удаа оролцох гэж байгаа Эстегляль багийн дасгалжуулагчаар томилогджээ. 35 настай Реза өөрөө барилдахгүй ч дараа нь олимпын шигшээ багийн сонгон шалгаруулатад оролцоно гэдгээ илэрхийлээд байгаа.

Өнөөдөр болох сугалаагаар тэмцээний нарийн хуваарийг зарлана. Лигийн тэмцээн цар тахлын улмаас хэд хэдэн удаа хойшлосны эцэст ийнхүү явагдахаар болж байна.

Эрүүл мэндийн газраас тэмцээнд хориг тавьсан ч бөхчүүдийн шаардлагаар Ираны бөхийн холбоо лигийн тэмцээнийг эхлүүлэхээр болсон. Хөлбөмбөгийн лигийн тэмцээн эхлээд байхад бөхчүүд цалин, орлогогүй байна гэж бөхчүүд эсэргүүцэл гаргасан юм.