Ирэх онд хүн ам, орон сууцны тооллого хийнэ

Үндэсний статистикийн хорооноос 2015 онд хүн ам орон сууцны завсрын тооллого хийхээр болжээ. Манай улс арван жил тутамд хүн ам, орон сууцны тооллого хийдэг бол ирэх жил анх удаа завсрын тооллого хийхээр болсон байна.

Энэ удаагийн тооллогоор Монгол Улсын нийт хүн амын тоог дахин нягтлахаас гадна хүн амын нийгэм, эдийн засгийн зарим үзүүлэлтийн талаарх тоон мэдээллийг шинэчлэн гаргах зорилготой аж. Өмнө нь 2010 онд хүн ам, орон сууцны тооллого хийсэн бөгөөд тус тооллогоор Монгол Улсад 2 сая 760 мянган 968 хүн тоологдсон байдаг.