Ирэх оны өвөл 200 мянган жуулчин хүлээн авах зорилт дэвшүүлжээ

"Цагийн хүрд" мэдээллийн хөтөлбөр: Төсвийн орлогыг нэмэгдүүлж эдийн засгаа тэлэх нэг гол салбар нь аялал жуулчлал гэж тодорхойлдог. Гэвч манай улс өвлийн цагт жуулчин бараг хүлээж авдаггүй. Улаанбаатараас ч хүйтэн хотууд жилд 10 сая жуулчин хүлээж авдаг олон сайн жишээ байна. Тэд цас мөсөн хотхон, өвлийн усанд шумбалтын тэмцээн, уулын цана гэх мэтчилэн сонирхолтой хөтөлбөрүүдээр жуулчдаа татаж байна. Харин манай улсын хувьд 3-4 төрлийн өвлийн хөтөлбөр байгаа нь чамлалттай үзүүлэлт юм. Үүнийг өөрчлөх, тоог нь нэмэх шаардлагатай байна гэдгийг мэргэжлийн хүмүүс хэлж байна. /2019.12.28/