Иргэд бөөрний өвчин хэт хүндэрсний дараа эмнэлэгт хандаж байна

Манай улсад бөөр, шээсний замын эмгэг өвчин сүүлийн 10 жилд нийт өвчлөлийн гуравдугаарт, эмнэлэгт хэвтэх шалтгааны нэгдүгээрт орсон хэвээр байна гэж эмч нар хэллээ. Энэ тохиолдол бусад өвчин архагшсанаас болдог гэлээ.

Хүний бөөр бусад эрхтэнийг бодвол харьцангуй мэдрэлийн эс багатай, дүлий эрхтэн учраас өвдөж зовиурлах нь бага. Тиймээс иргэд бөөр өвчилж байгаагаа мэддэггүй, эцсийн шатанд бөөрөө солиулах хүртэл нь өвчнөө хүндрүүлж эмнэлэгт ханддаг байна. Тиймээс багадаа хагас жил, улирал тутамд шээсний шинжилгээ өгч, биеэ хянаж байх нь чухал гэж УНТЭ-ийн Гемодиализийн төвийн эрхлэгч, профессор Н.Чулуунцэцэг ярилаа.