Иргэд, жолооч нарын анхааралд!

Ойрын өдрүүдэд ихэнх нутгаар бороо, нойтон цас орж, эрс сэрүүсэх зэргээр цаг агаарын тогтворгүй өдрүүд үргэлжилнэ.

Тиймээс иргэд та бүхнийг:

- Дулаан хувцаслах,

- Хол, ойрын замд гарахдаа аюулгүй байдлаа хангах, тухайн очих гэж байгаа газрынхаа цаг агаарын мэдээ, мэдээллийг хүлээн авч, шийдвэр гаргах,

- Бага насны хүүхэд, хөгжлийн бэрхшээлтэй иргэд, өндөр настай хүмүүсийг харгалзах хүнгүй үлдээхгүй байх, малд явуулахгүй байх,

- Малаа ойрын бэлчээрт бэлчээх зэргээр өөрийн болоод бусдын амь нас, эрүүл мэнд, эд хөрөнгийг хамгаалах,

- Замын хөдөлгөөнд оролцохдоо хурдаа тохируулж, болзошгүй эрсдэлээс урьдчилан сэргийлэхийг онцлон анхааруулж байна.

Онцгой байдлын ерөнхий газар