Иргэд өөрсдөө хүсвэл төлбөрөөс чөлөөлөгдөж болно

Иргэдээс удаа дараа ирж байгаа радио ашиглалтын төлбөрийн талаарх гомдлыг ШӨХТГ-аас судалж үзээд үндэслэлтэй гомдол байна хэмээн үзжээ. Сар бүр шугамын радионы төлбөр хэмээн 330 төгрөгийг байрны мөнгөн дээр нэмж авдаг байжээ. Өөрөөр хэлбэл “Монголын Цахилгаан Холбоо” ХК-ийн 2001 оны захирлын № 62 тоот тушаалын дагуу айл өрх бүр сонсдоггүй, ашигладаггүйгээс үл хамааран 330 төгрөгийн тарифыг мөрдлөг болгон өнөө хүртэл авдаг байжээ.

Тиймээс энэхүү байдлыг судалсан ШӨХТГ-аас Радио ашигласны төлбөрийг зогсоох нь зүйтэй гэж үзжээ. Гэхдээ тухайн өрх айл өөрөө бичгээр “Хотын шугамны радиогийн алба”-нд өргөдөл гаргаснаар уг төлбөрөөс чөлөөлөгдөх бололцоотой юм байна.