Иргэдийг ажилд зуучилж эхэллээ

Хөдөлмөрийн төв бирж явуулын бирж ажиллуулж эхлээд байна. Энэ ажлын хүрээнд төв биржийн ажилтан ажил хайгч иргэнийг өөрийн биеэр дагуулж явж, ажил олгогчтой уулзуулж ажилд зуучилж байна. Ингэснээр удаан хугацаанд ажил хайж буй иргэд илүү үр дүнтэй уулзалтад орж байгаа аж.

Одоогоор явуулын биржээр зуучлуулсан иргэдийн 60-70 хувь нь ажилд оржээ. Тус үйл ажиллагааг долоо хоног бүрийн 3 дахь өдрөөс бусад өдөрт тогтмол зохион байгуулах тул ажил хайж буй иргэдийг идэвхтэй оролцохыг холбогдох албаныхны зүгээс уриалж байсан юм.