Иргэдийн газар өмчлөх эрхийг энэ сарын 7-ныг хүртэл баталгаажуулна

Гэр бүлийн зориулалтаар нийслэлийн 52 байршилд газар өмчлүүлэхээр болсон билээ. Одоогоор эхний таван байршлийг зарлаж, өмчлүүлээд байгаа бөгөөд хамгийн сүүлийн буюу тавдугаар ээлжинд газар өмчлөх эрхтэй болсон иргэдийн эрхийг энэ сарын 7-ны өдрийг хүртэл баталгаажуулна гэдгийг нийслэлийн өмчийн харилцааны газраас мэдээллээ. Хэдийгээр сугалаагаар газар өмчлөх эрх нь нээгдсэн ч өмчлөх эрхээ өөрийн биеэр очиж баталгаажуулахгүй бол тухайн эрх хүчингүй болох аж. Өмчлөх эрх нь үүссэн ч баталгаажуулж амжаагүй байгаа иргэд дараах байдлаар бүртгүүлж болох юм.