Иргэдийн ирүүлсэн санал, гомдлын үндсэн дээр 25 байршилд газар чөлөөлжээ

Нийслэлийн Засаг даргын захирамжийн дагуу зөвшөөрөлгүй баригдсан хашаа, хайс, сурталчилгааны самбар зэргийг буулгаж эхэлжээ. Одоогийн байдлаар иргэдийн ирүүлсэн санал, гомдлын үндсэн дээр 25 байршилд газар чөлөөлсөн байна.

Автомашин, явган хүний зам талбай, нийтийн эзэмшлийн газарт зохих зөвшөөрөлгүй дур мэдэн барьсан хашаа, байгууламж, самбар зэргийг буулгаж, газар чөлөөлж байгаа юм. Цаашид энэ ажлыг эрчимтэй үргэлжлүүлнэ гэж Нийслэлийн газрын албаны дарга н.Болорчулуун “Хангарьд” ордонд болсон хэвлэлийн бага хурлын үеэр хэллээ.