Иргэдийн санаачилгаар гүүр барилаа

СХД-ийн 26 дугаар хорооны иргэд “Манай хорооны иргэд бороо орсон үед хоёр жалга гатлан ус авах боломжгүй болсон тул нэн яаралтай гүүр барих шаардлагатай байна” гэх хүсэлтийг Захирагчийн ажлын албаны Тохижилт, хог хаягдлын удирдлагын хэлтэст ирүүлжээ.

Ингээд тус албанаас явган хүний хоёр гүүрийг иргэдийн оролцоотойгоор богино хугацаанд чанартай барьсан нь олны талархлыг хүлээсэн ажлуудын нэг болсон.

Энэ нь гэр хорооллын иргэд өөрсдөө санаачилж, гар бие оролцвол төрөөс дэмжлэг хүсч суухаас илүү үр дүнд хүрэхийг харуулж чадлаа.