Иргэн, хуулийн этгээдээс ирүүлсэн 193 бүтээлд патент олгожээ

Оюуны өмчийн газрын мэдээллээр улсын хэмжээнд 2020 оны эхний 7 сард шинэ бүтээл болон бүтээгдэхүүний загварын патент авахаар 259 иргэн, хуулийн этгээд мэдүүлэг гаргасан нь өмнөх оны мөн үеэс 2 (0.8хувь)-оор буурчээ.
Иргэн, хуулийн этгээдээс 2020 оны эхний 7 сард ирүүлсэн 193 бүтээлд патент олгосны 63 нь шинэ бүтээлийнх, 130 нь бүтээгдэхүүний загварынх байгаа нь өмнөх оны мөн үеэс шинэ бүтээлийн патент 59 (48.4хувь)-өөр буурч, бүтээгдэхүүний загварын патент 42 (47.7хувь)-оор өсжээ.

Харин 2020 оны долоодугаар сард шинэ бүтээлд 13 патент, бүтээгдэхүүний загварт 16 патент олгосон нь өмнөх сараас шинэ бүтээлийн патент 1 (8.3хувь)-ээр нэмэгдэж, бүтээгдэхүүний загварын патент 3 (15.8хувь)-аар буурсан байна гэж Үндэсний Статистикийн Хорооноос мэдээллээ.