Иргэний оролцоотой төсвийг хэлэлцэв

Нийслэлийн Засаг даргын “Иргэний оролцоотой төсөв-2014” хэлэлцүүлэг зохион байгуулах тухай А/984 тоот захирамжийн дагуу 152 хороогоор дамжуулан 318,000 өрхөөс санал авсан.

Нийгэм, дэд бүтэц, нийтийн үйлчилгээ, тохижилт, аюулгүй байдал гэсэн 5 чиглэлээр хамгийн олон санал авсан бүтээн байгуулалтыг жагсаан хороо бүрт хэлэлцүүлэг өрнүүлж байна. Тухайлбал Чингэлтэй дүүргийн 9-р хорооны иргэд нийслэлийн ирэх оны төсөвт оруулах бүтээн байгуулалтын ажилд саналаа нэгтгэлээ.

Хэлэлцүүлэгт нийслэлийн Засаг даргын Экологи, ногоон хөгжлийн асуудал хариуцсан орлогч Т.Бат-Эрдэнэ, Нийслэлийн Ерөнхий төлөвлөгөөний газрын дэд дарга Э.Анар болон тус хорооноос сонгогдсон ИТХ-ын төлөөлөгч, бусад албаны хүмүүс оролцлоо.