Испани улс дахиад эмэгтэй гишүүдийн тоогоор илүүрхсэн засгийн газартай болов

Испани улсын ерөнхий сайд Педро Санчез дахин сонгогдож, засгийн газраа шинээр байгууллаа. Ингэхдээ засгийн газар нийт 22 суудалтайгаас 12-т нь эмэгтэй сайд томилсон нь эмэгтэй гишүүдийн тоо эрэгтэй гишүүдийнхээс давсан Санчезийн хоёр дахь засгийн газар болж байна. Өмнө нь 2021 онд ерөнхий сайд Санчез эмэгтэй гишүүдэд 14 суудал өгч, үлдсэн 8 суудлыг эрэгтэй гишүүдэд оноож байсан. Испани улсын шинэ засгийн газрын бүрэлдэхүүн дэх эмэгтэй гишүүдийн эзлэх хувь 2023 оны байдлаар дэлхийд 3-рт эрэмбэлэгдэж байна.

НҮБ-ын эмэгтэйчүүдийн төлөөллийг хангах байгууллагаас гаргасан судалгаагаар дэлхий дээр 13 улс л засгийн газрынхаа 50 болон түүнээс дээш хувийг эмэгтэй гишүүдээр бүрдүүлдэг гэсэн тоо баримт байна.