Ж.Чинбүрэн: Вакцин хийлгээгүй хүүхэд ирэх намар сургууль, цэцэрлэгт суухгүйг анхааруулж байна

Улаанбурхан халдварт өвчний дэгдэлт өндөр байгаа тул манай улс өндөржүүлсэн бэлэн байдалд шилжээнд буй. Цаг үеийн нөхцөл байдалтай холбогдуулан Эрүүл мэндийн сайд Ж.Чинбүрэн мэдэгдэл хийлээ.

Тэрбээр, Үр хүүхдүүдээ вакцинд хамруулах ухамсар, хариуцлага дутсаны хор уршгийг өнөөдөр та бид үр хүүхдүүдийнхээ эрүүл мэнд, амь насаар амсаж байна!

Ирэх намар вакцинаа хийлгээгүй хүүхэд цэцэрлэг, сургуульдаа суралцаж чадахгүй болно гэдгийг анхааруулж байна!

Хүү, охиноо, ач, зээгээ хөтлөөд, тэврээд очиж вакциныг нь хийлгэх сэтгэл, ухаан, хайр, хариуцлага бас цаг танд олдоно гэдэгт итгэж байна! гэлээ.