Женев аюулгүй байдлын түгшүүрээ нэмлээ

Өчигдөр Швейцарийн нийслэл Женев хотод аюулгүй байдлын түгшүүрийн түвшнийг нэмэгдүүллээ. Өнгөрсөн сард Парист болсон цуврал халдлагын дараа Женев хотод аюулгүй байдлын түгшүүрийн түвшин зарласан юм.

Харин тус халдлагатай холбоотой сэжигтэн этгээдүүд Женев хотод бүгж байж магадгүй гэх мэдээлэл хууль сахиулах хүчнийхэнд ирсэн учраас аюулгүй байдлын түгшүүрийн түвшинг дахин нэмэгдүүлэхээр болжээ.

Ингэснээр Женевийн нисэх буудал, мөн тус хотод байрлах олон улсын байгууллагуудын төв байр зэрэг халдлагад өртөж болзошгүй газруудад иж бүрэн зэвсэглэсэн харуул хамгаалалт гаргасан байна. Швейцарийн Трибюн де Женев сонинд бичсэнээр Швейцарийн цагдаа нар нийт зургаан сэжигтэнг эрэн сурвалжилж байгаа юм. Тэдний дөрвийг нь "Исламын улс" хэт даврагч бүлэглэлтэй холбоотой гэж эрх баригчид үзэж байна.