“Жирэмсэн эхийн зохистой хооллолт, дасгал хөдөлгөөн” сургалт хийж байна

Баянхонгор аймгийн Эрүүл мэндийн газрын Нийгмийн эрүүл мэндийн төвөөс жирэмсэн үеийн дасгал хөдөлгөөн, зохистой хооллолт, сэтгэлзүйн мэдлэг олгох зорилго бүхий сургалтыг өрхийн эрүүл мэндийн төвүүдэд явуулж байна.

Сургалтад Баянхонгор сумын өрхийн эрүүл мэндийн төвүүдийн хяналтад байдаг 364 жирэмсэн эх хамрагдах аж. Одоогоор "Наранмандмал", "Оточномгон" өрхийн эрүүл мэндийн төвийн 43 жирэмсэн эхэд “Жирэмсэн болон хөхүүл эхийн хооллолт”, “Нялх бага насны хүүхдийн хооллолт”, ”Жирэмсэн эхийн сэтгэлзүй урагт” сэдэвт хичээлийг заагаад байна.