Жолооны үнэмлэхгүй иргэн суудлын автомашинаар супермаркет мөргөжээ
жолоодох эрхгүй үедээ тээврийн хэрэгсэл жолоодож “Тэрэлж” супермаркетыг мөргөсөн зам тээврийн осол бүртгэгджээ. Уг ослын улмаас хүн гэмтэж бэртээгүй бөгөөд Налайх дүүргийн цагдаагийн хэлтэст шалгаж байна
Мэдээллийн алба
Энэ сарын 26-нд буюу өчигдөр Тээврийн цагдаагийн албаны жижүүрийн шуурхай удирдлагын төв нийт 278 дуудлага мэдээлэл хүлээн авснаас гэмт хэргийн 20, зөрчлийн шинжтэй 191, согтууруулах ундааны зүйл хэрэглэсэн үедээ автомашин жолоодсон 29, бусад 38 дуудлага мэдээлэл бүртгэгдсэн байна.
Тухайлбал, өчигдөр 21:30 цагийн орчимд Налайх дүүргийн нэгдүгээр хороо Тэрэлжийн замд суудлын автомашины жолооч жолоодох эрхгүй үедээ тээврийн хэрэгсэл жолоодож “Тэрэлж” супермаркетыг мөргөсөн зам тээврийн осол бүртгэгджээ. Уг ослын улмаас хүн гэмтэж бэртээгүй бөгөөд Налайх дүүргийн цагдаагийн хэлтэст шалгаж байна.
