Жорлон ухаж байсан 2 хүн ухаан алдсан байжээ

Баянзүрх дүүргийн 20 дугаар хороо, Шар хоолойн “Их-Ам”-ны задгайд хоёр иргэн нүхэн жорлонд ухаангүй байна гэсэн дуудлага Онцгой байдлын газарт ирсэн байна. Дуудлагын дагуу Нийслэлийн Аврах ангийн 7 алба хаагч, 2 авто машинтай очиход Баянгол дүүргийн харьяат, 43 настай иргэн Б, Сонгинохайрхан дүүргийн харьяат, 20 настай иргэн Т нар 5 метр гүнтэй нүхэн жорлон ухаж байгаад ухаан алдсан байжээ. Аврагчид тэднийг нүхнээс гаргаж, эмнэлгийн анхан шатны тусламж үзүүлэн эмнэлгийн байгууллагад хүлээлгэн өгсөн байна.