Жүдогийн холимог баг Германтай дагах барилдаан хийнэ

Олимпын хөтөлбөрт анх удаа багтсан жүдо бөхийн холимог багийн тэмцээн өнөөдөр болж, медальтнуудаа тодруулах гэж байна. Монголын баг эхний шатанд БНСУ-ын хүчирхэг багтай халз тулж, 4:1 харьцаатай ялалт байгуулж, шигшээ наймд шалгарсан билээ. Жүдо бөхийн багийн тэмцээн эрэгтэйчүүдийн 73, -90, +90, эмэгтэйчүүдийн 57, -70, +70 гэсэн зургаан жинд болдог бөгөөд Монголын жүдо бөхийн холимог багаас шөвгийн наймд ОХУ-ын багтай 73 кг-д Ц.Цогтбаатар, 90 кг-д Саид Моллай нар уран барилдаан хийж өрсөлдөгчөө ялсан юм.

Харин 57 кг-д Д.Сумъяа, -70 кг-д Б.Ганхайч, +70 кг-д О.Мөнхцэцэг, +90 кг-д Ө.Дүүрэнбаяр нар ялагдал хүлээснээр ОХУ-ын баг шигшээ дөрөвт шалгарч Японы багтай барилдахаар болсон бол Монголын жүдогийн холимог баг Японы багт ялагдсан Германы жүдочидтой дагах барилдаан хийхээр боллоо.