Канад улсын Парламентын сенатын танхимын даргатай утсаар ярив

Монгол Улсаас Канад Улсад суугаа Элчин сайд Я.Ариунболд Канад Улсын Парламентын Сенатын танхимын дарга Жорж Фюри-тэй 2021 оны 12 дугаар сарын 9-ний өдөр утсаар ярив.

Талууд Монгол, Канадын хууль тогтоох байгууллага хоорондын хамтын ажиллагааг бэхжүүлэхийн төлөө байгаагаа илэрхийлж, энэ хүрээнд Канадын Парламентын Төлөөлөгчдийн танхимд Канад-Монголын найрамдлын бүлгийг шинэчлэн байгуулах, харилцан айлчлал хэрэгжүүлэх зэрэг асуудлаар санал солилцов.

Канад Улсын Парламентын сонгууль 2021 оны 9 дүгээр сард болсон бөгөөд шинэ Парламент 11 дүгээр сарын 22-ны өдрөөс үйл ажиллагаагаа эхлүүлээд байна.