Х.Бат-Ялалт хууль зүйн сайдтай уулзана

Хууль зүйн сайд Х.Тэмүүжинг халз мэтгэлцээнд дуудаж байгаагаа өнөөдөр "Иргэдийн шударга шүүх" ТББ-ын тэргүүн Х.Бат-Ялалт дахин мэдэгдлээ. Урьд нь таван удаа түүнийг халз мэтгэлцээнд дуудсан боловч сайд ямар нэгэн хариу өгөөгүй юм.

Харин Х.Бат-Ялалт энэ сарын 31-ний 11.00 цагт Х.Тэмүүжин сайдтай уулзах цаг авсан бөгөөд уулзалтынхаа үеэр сэтгүүлчдийг байлцаж, хоёр хуульчийн зөрчилдөж буй асуудлыг сонсохыг хүсч байгаа аж. Тэрбээр Хууль зүйн сайдын явуулж байгаа шүүхийн салбарын шинэчлэл болон Хуульчдын холбоо байгуулж байгааг эсэргүүцэж байгаа юм.