Халаасны хулгайчаас урьчилан сэргийлэх самбар байрлуулжээ

Улаанбаатар хотын Цагдаагийн газрын Гэмт хэрэгтэй тэмцэх газар, "Нарантуул" худалдааны төвтэй хамтран худалдааны төвийн хаалган дээр халаасны хулгайгаас урьдчилан сэргийлэх самбаруудыг байрлуулжээ.

Гадаадын улс орнуудын жишгээр томоохон худалдаа үйлчилгээний газруудад сэрэмжлүүлэг байрлуулснаар хулгай тодорхой түвшинд буурсан судалгаа байдаг юм байна. Энэ жишигт нийцүүлэх зорилгоор эдгээр самбаруудыг байрлуулжээ.

Жилийн дөрвөн улиралд хүний хөл тасардаггүй энэхүү худалдааны төвөөр сар шинийн баяр болж байгаатай холбогдуулан иргэдийн хөл хөдөлгөөн нэмэгдэх хандлагатай байгаа тул иргэд та бүхэн хулгайн гэмт хэрэгт эд зүйлсээ алдахаас сэрэмжилнэ үү.