Халамжийн төвийн мэдээллийн сантай болно

Манай улсын хэмжээнд 39 халамж үйлчилгээний төвд 1098 хүүхэд халамжлагдаж байна. Тэдний дунд иргэний бичиг баримтгүй хүүхэд олон байдаг гэнэ. Тийм учраас хүүхдүүдийг бичиг баримтжуулж, халамжийн төвийн нэгдсэн мэдээллийн санг байгуулах ажлыг Хүүхдийн төлөө үндэсний газраас хийж эхэллээ. Ингэснээр бүх халамж, асрамжийн төвийн хүүхдүүдийн нийт мэдээлэл, шилжилт хөдөлгөөнийг хянах боломжтой болох бөгөөд мэдээллийг нэгтгэсэн програмттай болно гэнэ.