"Ханбумбат"-д шалгалтын нислэг хийлээ

Оюутолгой төслийн хүрээнд Өмнөговь аймгийн Ханбогд сумын нутаг дэвсгэрт баригдсан "Ханбумбат" нисэх буудалд ИНЕГ-ын шалгалтын нислэг, зураглалын албанаас шалгалтын нислэг хийлээ. Энэ сарын 15-ны өдөр "Ханбумбат" нисэх буудлын гэрэл суултын CCH болон PAPI системүүдийн ээлжит шалгалтын нислэгийг "Тэнгэрийн Улаач Шинэ" ХХК-тай хамтран гүйцэтгэлээ. Нислэгийг Л-410 маркийн агаарын хөлгийн Д.Болдбаатар даргатай нисэх баг, ТХҮА-ны инженер техникийн ажилчидтай хамтран нийт долоон цаг 40 минутын блок цагт хийж гүйцэтгэсэн байна.