"Хангарди" хамтлаг байгуулжээ

Нийслэлийн Онцгой байдлын газрын дарга, хурандаа А.Дашнямын санаачилгаар бие бүрэлдэхүүнийг соёл урлагаар соён гэгээрүүлэх зорилгоор "Хангарди" хамтлагийг байгуулжээ.

НИТХ-ын Гэмт хэргээс урьдчилан сэргийлэх ажлыг зохицуулах салбар зөвлөлийн хөрөнгө оруулалтаар иж бүрэн цахилгаан хөгжим худалдан авч, амьд хөгжмийн хамтлагийг байгуулж, тус газрын даргын зөвлөлийн дэргэдэх Соёл урлаг, соён гэгээрүүлэх зөвлөл бэлтгэл ажлыг ханган ажиллаж байна гэж НОБГ-аас мэдээллээ.