Ханги-Мандалын боомтоор ирэх долоо хоногоос барилгын материал нэвтрүүлж эхэлнэ

"Цагийн хүрд" мэдээллийн хөтөлбөр: БНХАУ-ын Эрээн хотын хил хаагдсантай холбоотойгоор манай улсын барилгын салбарт бараа материалын хомсдол 80 хувьд хүрээд байна.

Нийтдээ 12 төрлийн бараа материалын хомсдол үүссэнээс болж барилгын дулаарал болоод дотор засал чимэглэлийн ажил үндсэндээ зогссон. Тасалдаад байгаа барилгын бараа материалыг урд хөршөөс Улаанбаатарт хэрхэн тээвэрлэж авчрах асуудлаар Гадаад харилцааны яам, Эрээн дэх Консулын газар болон Бээжин дэх Элчин сайдын яамтай хамтарч цахим хуралдаан хийлээ.