"Хариу нэхээгүй тус” аян болно

Энэ сарын 25-ны 09.00-22.00 цагт Чингисийн талбайд байрлах "Хайраар дүүрэн хайрцаг"-т хичээлийн хэрэгсэл, ном дэвтэр, ил захидлаа хийх арга хэмжээ болно. Монголын Залуучуудын Холбооноос жил бүр уламжлал болгон зохион байгуулдаг "Хариу нэхээгүй тус" аянаа амьдралын түвшин доогуур бяцхан дүү нартаа туслах ажлаар ийн эхэлж байгаа аж.

Тус хайрцагт цугларсан хичээлийн хэрэгсэл, ном дэвтэр, ил захидлыг энэ сарын 27-31-ны өдрүүдэд эмзэг бүлгийн хүүхдүүдэд өгөх юм байна.