Харүмафүжи Кисэносатог зогсоолоо

Японы мэргэжлийн сүмогийн гуравдугаар сарын башё 13 дахь өдрөө үргэлжилж байна.
Өнөөдрийн оргил барилдаан мэргэжлийн сүмогийн 70 дахь аварга Харүмафүжи, энэ тэмцээнд анх удаа ёкозүна цолтой зодоглож буй Кисэносато нар оноолт таарав. Харүмафүжи гурван унаа, есөн даваатай явсан бол Кисэносато нэг ч унаагүй башёг итгэл төгс тэргүүлсэн хэвээр байлаа. Гэвч дөнгөж сая болсон тэдний барилдаан Харүмафүжигийнхээр өндөрлөв.

Хоёр хүчтэн өмнө нь 61 удаа таарахад манай улсын аварга Харүмафүжи 37-д нь даваад байсан юм.