Хаврын чуулганыг өглөө 09:00 цагт эхлүүлж байх захирамж гаргалаа

УИХ-ын 2015 оны хаврын чуулган ирэх дөрөвдүгээр сарын 6-ны өдөр эхэлнэ. Хаврын чуулган эхлэх дөхсөнтэй холбогдуулан өнөөдөр УИХ-ын дарга З.Энхболд чуулганы нэгдсэн хуралдааны цагийг тогтоосон захирамж гаргалаа.

Тодруулбал, УИХ-ын даргын гаргасан захирамжийн дагуу УИХ-ын 2015 оны хаврын ээлжит чуулганы нэгдсэн хуралдаан долоо хоногийн пүрэв, баасан гарагт өглөө 09:00 цагаас эхэлж, үдээс хойш 14:00 цагаас үргэлжилж байх юм. Энэ захирамжид заасан цагийн хуваарьт нийцүүлэн хаврын ээлжит чуулганыг зохион байгуулахыг Байнгын, дэд хороодын дарга нар болон УИХ-ын Тамгын газрын Ерөнхий нарийн бичгийн даргад үүрэг болгосон байна.