ХДХВ, ДОХ ба Хүний эрхийг хамгаалах асуудлаар шийдвэр гаргагчдын уулзалт боллоо

ХДХВ, ДОХ-ийн халдварын анхны тохиолдол дэлхийд 1981 онд бүртгэгдсэнээс хойш 30 гаруй жилийн хугацаанд хүн төрөлхтөн асар их хичээл зүтгэл гаргаж байгаа ч өнөөг хүртэл ДОХ-ыг төгс эмчлэх аргыг шийдвэрлэж чадаагүй байна.

Өнгөрсөн хугацаанд 75 орчим сая хүн ХДХВ-ын халдвар авч, 39 сая хүн ДОХ-ын улмаас нас баржээ. ХДХВ-ын халдвар нь хүний ид хийж бүтээх насанд тохиолдож байгаа ба шинэ халдварын 33 орчим хувийг 15-24 насны залуучууд эзэлж байна.

Манай улсад ХДХВ-ын халдварын анхны тохиолдол 1992 онд бүртгэгдсэн ба 2016 оны эхний байдлаар ХДХВ/ДОХ-ын нийт 201 тохиолдол бүртгэгдэж, ДОХ-ын улмаас нийт 24 хүн нас барсан байна.