Хээрийн хүн эмнэлэг дэлгэх дадлага сургуулилалт хийнэ
Эрсдэлийг хамгийн муу байдлаар тооцож ажиллахыг Эрүүл мэндийн сайд Д.Сарангэрэл хэлж байна.
Мэдээллийн алба
Шинэ коронавирусний халдвар нийт хүн амын дунд тархаагүй. Зөөвөрлөгдөн орж ирсэн 37 тохиолдол байгаа хэдий ч бид тайвширч болохгүй. Эрсдэлийг хамгийн муу байдлаар тооцож ажиллахыг Эрүүл мэндийн сайд Д.Сарангэрэл хэлж байна. Амралтын энэ өдөр Эрүүл мэндийн сайд яамны газар хэлтсийн дарга нар ОБЕГ, НЭМГ-ын төлөөллүүдтэй уулзлаа.
Шинэ коронавируст халдвараас урьдчилан сэргийлэх, салбар дундын хамтын ажиллагааг уялдуулан зохицуулах, эмнэлгийн бэлэн байдлыг хангах зорилгоор тавдугаар сарын 6-8-ны өдрүүдэд коронавируст халдварын дэгдэлтийн үеийн хээрийн хүн эмнэлэг дэлгэх дадлага сургуулилалтыг хийнэ. Энэхүү дадлага сургуулилтыг хэрхэн зохион байгуулах талаар өнөөдөр хэлэлцлээ.
