Хэнтий аймагт 100 тоннын хүчин чадалтай үйлдвэрийн шав тавигдав

Хэнтий аймагт хоногт 100 тонн улаанбуудай тээрэмдэх хүчин чадалтай гурил, тэжээлийн үйлдвэр барихаар шав тавилаа. Тус үйлдвэрийг Хэнтий аймгийн Хэрлэн сумын Өлзийт тосгонд газар тариалан эрхэлдэг “Энсада Холдинг” компани барих юм байна. Гурилын үйлдвэр ашиглалтад орсноор Хэнтий аймаг болон зүүн бүсийн аймгуудыг эх орны гурилаар хангах боломж бүрдэнэ гэж “Энсада Холдинг” компанийн ерөнхий захирал Ө.Болдсайхан хэллээ.