Хэт халуунд жирэмсэн эмэгтэйчүүдийн баримтлах зөвлөгөө

Ойрын үед хэт халуун өдрүүд үргэлжлэх тул наршилтаас сэргийлэн, жирэмсэн эмэгтэйчүүдэд онцгойлон анхаарна уу.

Нийгмийн эрүүл мэндийн үндэсний төвөөс дараах зөвлөгөөг өгч байна.

• Шаардлагагүй бол гадагшаа гарахгүй байх

• Нарны шууд тусгалаас зайлсхийх, нүдний шил, малгай, шүхэр тогтмол хэрэглэх,

• Гар, хүзүү, хөл зэргийг ил гаргахгүй , сул чөлөөтэй урт ханцуйтай хөвөн даавуун цамц, урт өмд өмсөх,

• Ус, хярам, шингэн хар цай ойр ойрхон бага багаар уух,

• Нойтон хүйтэн алчуур, толгой, хүзүүн дээрээ тавих,

• Хүйтэн бүлээн шүршүүрт орох,

• Хэт хүйтэн ус, ундаа, зайрмаг болон чихэрлэг шингэнээс татгалзах,

• Давс багатай хөнгөн, ислэг ихтэй хоол хүнс хэрэглэх,

• Төрөх дөхсөн жирэмсэн эмэгтэйчүүдийг ганцааранг нь байлгахгүй байхыг зөвлөж байна.

Хэрэв доорх аюултай шинж тэмдгүүд илэрвэл Яаралтай түргэн тусламж- 103 дуудаарай.