Хэвлэл мэдээллийнхний урлагийн их наадам болно

Үндэсний сэтгүүл зүйн салбар үүсч хөгжсөний 100 жилийн ой энэ онд тохиож байна. Ойн хүрээнд хэвлэл мэдээллийнхний дунд ирэх сарын 22-оос эхлэн дөрөв хоногийн хугацаатай урлагийн наадам зохион байгуулна. Энэхүү наадам нь хэвлэл мэдээллийнхний урлаг, соёлын хамгийн том баяр болох бөгөөд энэ салбарт ажиллагсдын чөлөөт цагийг зөв боловсон өнгөрүүлэх зорилготой юм. Мөн наадамд оролцогчдын дундаас урлагийн өндөр авьяастай ажилтан, албан байгууллагыг шалгаруулна. Бүртгэлийн хугацаа 10-р сарын 1 хүртэл үргэлжилнэ.